POLISI AMDDIFFYN PLANT

Mae aelodau Côr Cardi Gân yn cydnabod mai plant yw aelodau mwyaf di-amddiffyn yn ein cymdeithas. Nid oes ganddynt hawl i bleidleisio na llwybrau eraill at bwer. Felly y mae gan oedolion mewn awdurdod gyfrifoldeb i sicrhau fod hawliau plant a bobl ifanc yn cael eu cynrychioli a’u hamddiffyn.

Er bod aelodaeth y Côr yn datgan na ellir bod yn aelod o’r Côr o dan 18 mlwydd oed mae’r polisi hwn yn cydnabod ac yn adlewyrchu:
Deddf Plant 1989
Confensiwn y plentyn y Cenhedloedd Unedig

Mae Côr Cardi-Gân am sicrhau ein bod yn gwneud popeth o fewn ein gallu i amddiffyn plant rhag unrhyw fath o niwed mewn unrhyw sefyllfa ble y down i gysylltiad â phlant. Rydym yn derbyn fod dyletswydd ar bawb sy’n ymhel â ni, yn aelodau neu yn aelodau cymdeithasol i atal unrhyw gamdriniaeth o blant a bydd y polisi hwn yn hysbys i bawb o fewn y côr.

Byddwn yn sicrhau ein bod wedi ystyried gofynion iechyd a diogelwch pob sefyllfa rydym yn gyfrifol amdani.

Byddwn yn sicrhau na fydd unrhyw aelod o’r côr-tra eu bod yn ymgymryd â gweithgaredd o dan adain y côr – yn cael bod gyda un plentyn ar eu pen eu hunain. Cynghorir aelodau i sicrhau eu bod bob amser o fewn golwg rhywrai eraill ac nad ydynt i dreulio amser gydag un plentyn ar eu pen eu hunain.

Pe buaswn yn gweithio gyda phlant ar ryw adeg yn y dyfodol baswn yn sicrhau fod mwy nag un oedolyn yn bresennol bob amser.

Pe buaswn yn chwilio am bobl allanol i’n helpu gyda phrosiect neu yn penodi gwirfoddolwyr neu staff i weithio gyda phlant, byddwn yn cymryd y camau canlynol i’w gwirio:

a) Gofyn am o leiaf un geirda amdanynt
b) Rhoi cyfweliad iddynt
c) Gofyn am wiriad heddlu arnynt os yn briodol (ar ôl cael eu caniatâd)

Os oes gennym unrhyw amheuaeth fod un o’r plant yr ydym mewn cysylltiad â hwy yn dioddef camdriniaeth o unrhyw fath yn unrhywle, bydd Aelod o’r Pwyllgor yn cysylltu yn syth â:
Llinell gymorth amddiffyn plant 08081002524 yr NSPCC.